好坦白，認識及幫襯L’attitude的原因主要來自Mileslife，但見店家在Openrice上評價亦不錯，又有靚樣甜品適合我愛玩Instagram的朋友，便一於試試實力如何。小店選址尖沙咀金馬倫道，鄰近The One及美麗華商場，作為港女們行完街食tea休息的地方的確不錯。
在平日下午差不多3時到訪，店內只有一兩組客人，座位雖不多但就勝在不逼狹，而且花了不少心思佈置，如可愛的巨型毛公仔、天花板的雲朵吊燈都是女生喜愛的元素，不愧為供應呃like甜品的食店（笑）唯獨光源不足拍照效果略為欠佳，如果可以稍作改善就更好！
下午茶餐選擇頗多，從意粉、漢堡包、pizza、魚生飯、韓式豆腐湯、咖喱等都有，可說是總有一款啱心水，且大部分都不超過$100，包一杯飲品，另可加錢配小食，價錢合理。跟朋友分別點了軟殼蟹明太子意粉（$98）及魚生飯1號（$88），另加配生蝦刺身1份（$28）及蜜糖雞翼2份（$18/份），完全不止是下午茶份量（笑）
明太子意粉醬汁很creamy，鹹香味不算太重，而軟殼蟹香口鬆脆不油膩，價錢雖然比普通明太子意粉貴上$40，仍然值得。泰式生蝦刺身因為懷孕關係未有機會試，但外表就幾新鮮，另外蜜糖雞翼亦水準正常！
主菜之後終於到主角綿花糖！店家供應不少有綿花糖的飲品及甜品，像熱朱古力、奶昔、軟雪糕、新地等，而我們則點了名字很浪漫的「櫻花樹下」～其實就是綿花糖加心太軟(ﾟ∀ﾟ) 綿花糖就只是普通綿花糖，還好心太軟蛋糕鬆軟，而朱古力醬香滑濃郁，沒有令人失望
L’attitude
地址：尖沙咀金馬倫道19號地下A舖
網頁：https://www.facebook.com/lattitudehk/
哈日港媽 
【香港食記】尖沙咀呃Like專用綿花糖甜品—L’attitude 有 “ 2 則迴響 ”